Pershtati nga BBC, AlpeNews.al
Vladimir Putin është njëkohësisht president dhe kryekomandant në shtetin Rus.
Si i tillë, fjala përfundimtare për pushtimin i takon atij. Ashtu si çdo politikan edhe Putin është mbështetur nga personazhe politike që përbëjnë rrethin e tij besnik e qe sot drejtojne luften qe ka shtangur globin.
Por cilët janë ata dhe kush është gjendur pranë Putin në momentet më fatkeqe gjatë presidencës së tij?
Një ndër ta është Sergei Shoigu, Minister i Mbrojtjes, i cili ka theksuar vendimin e Putin për çmilitarizimin e Ukrainës dhe mbrojtjen e Rusisë nga kërcënimi i forcave ushtarake perëndimore.
FOTO: Presidenti rus Vladimir Putin merr pjesë në një takim me Ministrin e Mbrojtjes Sergei Shoigu dhe Shefin e Shtabit të Përgjithshëm të Forcave të Armatosura Ruse Valery Gerasimov në Moskë, Rusi 27 shkurt 2022.
Valery Gerasimov është Shef i Shtabit të Përgjithshëm të Forcave të Armatosura Ruse. Si shef i shtabit, detyra e tij ishte të planifikonte pushtimin ushtarak të Ukrainës sa më shpejt të ishte e mundur.
Nikolai Patrushev është Sekretar i Këshillit të Sigurisë. Patrushev është një nga dy personat më të besuar dhe me ndikim mbi Vladimir Putin.
Alexander Bortnikov është Drejtor i Shërbimit Federal të Sigurisë (FSB). Bortnikov ka ndikim të konsiderueshëm mbi shërbimet e tjera të zbatimit të ligjit dhe madje ka forcat e veta speciale. Megjithëse është person i rëndësishëm, ai nuk mund të japë këshilla dhe nuk shihet si kërcënim për presidentin Vladimit Putin.
Sergei Naryshkin, Drejtor i Shërbimit të Inteligjencës së Jashtme (SVR). Naryshkin ka qëndruar përkrah presidentit për pjesën më të madhe të karrierës së tij.
Sergei Lavrov është Minister i Punëve të Jashtme. Ai ka qenë doplomati më i lartë Rus per 18 vite por nuk luan rol të madh në vendimmarrje. Sergei Lavrov është personi qe rekomandoi bisedime të mëtejshme diplomatike mbi Ukrainën, rekomanim, që u injorua nga presidenti Vladimit Putin.
Valentina Matviyenko, Kryetare e Këshillit të Federatës, e cila mbikqyri votimin e dhomës se sipërme mbi dërgimin e forcave ruse jashtë vendit, duke nisur pushtimin.
Viktor Zolotov aktualisht mban postin e Drejtorit të Gardës Kombëtare. Ai, gjithashtu ka qenë truproja i presidentit.
Alpenews.al
