Aktori i humorit Kosovar Blerim Peci ka ndërruar jetë ditën e sotshme në moshën 44 vjeçare.
Blerim Peci lindi më 1 gusht 1973. Ai ka jetuar me gruan Afërdita Sopjani Peci në Mitrovicë, me të cilën është martuar në vitin 2004 dhe nga kjo martesë kanë lindur dy fëmijë, djalin Bledi dhe vajzën Medina.
Në foto aktori Blerim Peçi me familjen e tij.
Blerimi kishte arritur ta bënte për vete publikun me skeçet e tij humoristike në disa projekte televizive. Karriera e aktorit ka nisur në emisionin “Show Meselation”. Blerimin kohëve të fundit kemi mundur ta shohim në disa role të ndryshme në shown satirik “Vikendi” të televizionit publik të Kosovës, RTK. Tek “Vikendi”, Blerimi kishte aktruar bashkë me Xhejlane Tërbunja, ndërsa rubrika më e preferuar për publikun ishte “Udhëtimi në kohë” me të cilën bënte rrugëtim nëpër vite duke e paraqitur realitetin në të cilin jetojmë.
Vdekja e Blerimit konsiderohet si humbje e madhe për humorin dhe ekranin shqiptar. Përgatiti AlpeNews.al
Më poshtë po ju paraqesim një skeç të realizuar nga aktori Blerim Peci me moderatorin Arian Çani: