Kryetari i Këshillit Nacional të Shqiptarëve, Jonuz Musliu, pas një kohe të gjatë që ishte duke u trajtuar nga një sëmundje në një spital në Turqi, ka vdekur sot më datë 18 janar 2018.
Kryetari i Këshillit Nacional të Shqiptarëve, Jonuz Musliu ishte në të njëjtën kohë mbrojtës i të drejtave të shqiptarëve në Preshevë.
Musliu njihej për dashurinë ndaj të gjitha trevave shqiptare, kujtojmë këtu rastin e 2 prillit kur ai i bente thirrje shqiptarëve në Luginën e Preshevës, në Serbinë Jugore, që t’i bojkotonin zgjedhjet presidenciale në Serbi, vetëm sepse ata tregojnë diskriminim ndaj nesh.
Një nga intervistat më të veçanta të tij, ishte ajo para 8 muajsh kur Musliu deklaronte me të madhe se “Edi Rama është kryeministri im”. Pra në njëfarë menyre shprehte hapur mbështetjen dhe dëshirën për bashkim të Shqipërisë dhe Kosovës.
Musliu e ka ripërsëritur qëndrimin e tij të cilin e paraqiti menjëherë pas deklaratave të fundit të kryeministrit shqiptar Edi Rama dhe presidentit të Kosovës, Hashim Thaçi për bashkimin e mundshëm të Shqipërisë dhe Kosovës, se në këtë rast duhet bashkuar edhe Lugina e Preshevës.
Para pak kohe, ish- komandanti Ushtrisë Çlirimtare për Preshevë, Medvegjë dhe Bujanoc u largua nga spitali i Luginës.
Musliu ishte kryetar i Lëvizjes së Progresit Demokratik në Bujanoc dhe pas vetes ka lënë bashkëshorten dhe tre fëmijë
Përgatiti: AlpeNews.al
