Një avokat në kryeqytet ka rënë në prangat e policisë për mashtrim pas denoncimit nga një shtetas.
Avokati Gazmir Xhurxhi është denoncuar nga klienti i tij se i ka marrë paratë për të mbrojtur një çështje por më pas e ka mashtruar.
Mësohet se klienti i ka kërkuar kthimin e parave, por avokati ka refuzuar.
Ky i fundit i ka marrë klientit të tij H.D rreth 17 milionë lekë të vjetra për një çeshtje që akoma nuk bëhet e ditur për mediat.
Xhurxhi ka qenë pjesë e ‘Operacionit AVOKATI’, nga Sektori i Antikrimit ekonomik.
E pikërisht ka qenë “synimi” i Operacionit.
Një tjetër akuzë që vjen për Xhurxhin është se ka mashtruar duke falsifikuar disa fatura, dhe dokumentacione ligjore.
Ai akuzohet edhe për fshehje të të ardhurave.
***
Ndërkohë që burime për ALPENews.al theksojnë se ky nuk ka qenë rasti i parë për Xhurxhin që ka patur “keqkuptime” hapur me klientët e tij.
Sipas një kërkimi të thjeshtë Xhurxhi figuron si një avokat që ka marrë detyrën në vitin 2013 me anë të prokurës së Gjykatës së Lartë, me vendim të posaçëm datë 12.08.2013, me nr. 1545 rep, nr. 967.
Xhurxhi akuzohet momentalisht se ka vjedhur klientin e tij emri i të cilit nuk bëhet i ditur për mediat deri tani.
Dëmi që i ka shkaktuar klientit në fjalë shkon deri në 17 milionë lekë të vjetra.
Çështjet që Xhurxhi ka patur gjatë karrierës së tij ndër vite nga 2013 deri sot të cilat figurojnë në regjistrimet onlinë të Gjykatës së Lartë dhe janë kryesisht çështje penale të lehta.
Në vitin 2014 Gazmir Xhurxhi figuron se ka mbrojtur një shtetas me iniciale M.C në Gjykatën e Apelit të Tiranës. Ky i fundit ishte i akuzuar:
“Për kryerjen e veprës penale te “Kundershtimit të punonjesit të policisë së rendit publik”, të parashikuar nga Neni 236/2 i K.Penal”.
Profili i Xhurxhit në ‘LinkedIN’
Nga kjo vëmë re se Xhurxhi ka qenë një avokat që merrej me çështje të përditshmërisë, dhe që me shumë mundësi ka qenë në konflikt edhe me klientë të tjerë.
Ndërkohë që ai figuron në rrjete sociale si ‘Twitter’, ‘LinkedIN’, dhe në ‘GooglePlus’.
Përgatiti: AlpeNews.al
