Me kalimin e viteve dhe përparimin e teknologjisë mobile ka ardhur një kohë që mund të kemi të gjithë “botën” në celularin tonë.
Por, e gjithë ngarkesa nga këto shërbime të sofistikuara që ekrani i vogël ju ofron bie mbi baterinë. Sado të fuqishme të jenë bateritë, duhen menaxhuar mirë në mënyrë që të zgjasin më shumë dhe të mos mbesim pa celular në një moment kritik kur mund të na duhet.
Kështu ekzistojnë disa “hile”të vogla menaxhimi që do u mundësojnë jetë më të zgjatur baterie.
Së pari, sipas “Stuff”, mirë do ishte që baterinë e celularit mos ta lini asnjëherë që të shkojë deri në zero për qind.
Kështu, për të mirën tuaj, rimbusheni baterinë rregullisht nga pak sa herë që shkon në 50 për qind. Kështu do keni një bateri cilësore të pa ”lodhur”.
Së dyti, mirë do të ishte që të kishit më shumë se një mbushës baterie.
Rekomandohet që të investoni në blerjen e ngarkuesve të shumëfishtë në mënyrë që ata të mos bllokohen me një telefon që është gjithmonë pa bateri.
Në mënyrë ideale njerëzit duhet të kenë nga një për në shtëpi, punë dhe makinën e tyre dhe mirë do ishte të blini nga ata që ngarkojnë shpejt.
Së treti, rregulloni cilësimet!
Pa e kuptuar ju fare, janë disa opsione që ju marrin më shumë energji baterie seç duhet. Rekomandohet që të hiqni dridhjen, përdorni metodën ‘low power’ që harxhon më pak energji si dhe keni kujdes me disa aplikacione. Për shembull, aplikacioni i Facebook është një “thithës” i vërtetë energjie, kështu që në rastet kur doni të kurseni baterinë, futuni në Facebook me anë të browser-it.
Së katërti, kujdesuni për temperaturën e celularit!
Është e rëndësishme që të mos i ekspozonin pajisjet tuaja mobile ndaj temperaturave shumë të nxehta ose shumë të ftohta.