Stresi është njohur gjithmonë si personat problematik që nga fillimi i karrierës së tij si këngëtar, e deri sot. Madje dhe ai vetë e quan veten “Bad Boy For Life”, që do të thotë, djalë i keq përgjithmonë.
Sot u dha dhe masa e arrestit me burg për të, e ndërsa ndalimi i ditës së mërkurë nuk ishte hera e parë që rreperi Arkimed Lushaj arrestohet.
Po çfarë ndodhi të mërkurën:
Rreperi Arkimed Lushaj, i njohur me pseudonimin “Stresi” u arrestua nga policia ditën e mërkurë në Linzë.
Lushaj u ndalua teksa ishte në një hotel me një vajzë. Në dhomën ku është ndaluar Lushaj, është gjetur edhe një pistoletë pa leje, si dhe një sasi e vogël kokaine. Bashkë me rreperin u proceduar penalisht edhe një vajzë 20 vjeçe, e cila ishte ne shoqerine e Stresit kur ai u ndalua.
Ky arrestim erdhi pas rreth një viti hetim e përgjim, sipas policisë. E ndërsa ditën e sotme, gjykata vendosi ta lërë në burg Arkimed Lushajn.
-Arrestimi në 13 prill të vitit 2018:
Policia e kryeqytetit ka arrestuar në 13 prill të vitit 2018 këngëtarin Arkimed Lusha të njohur edhe si “Stresi” dhe një person tjetër, Kujtim Përshpalaj. Dy personat u kapën duke konsumuar kokainë në një local bastes në rrugën “Ali Pashë Gucia”.
Po ashtu në këtë aksion të policisë, u ndaluan 3 persona të tjerë, të cilët u proceduan në gjendje të lirë. Gjatë këtij aksioni u sekuestrua edhe një sasi kokaine në ambientet e të njëjtit lokal.
-Arrestimi dhe arratisja nga kati i dytë i komisariatit numër 3:
Stresi u ndalua nga policia, pasi u konstatua në gjendje të dehur duke shkelur rregullat e qarkullimit. Ndalimi i tij u bë në janar të vitit 2015 nga policia rrugore.
Lushaj u ndalua pasi përveçëse u kap në gjendje të dehur, ai kundërshtoi edhe forcat e policisë.
Pas shoqërimit në ambientet e komisariatit nr.3, këngëtari është hedhur nga dritarja e katit të dytë ndërsa më pas ka humbur gjurmët, duke vënë në pikëpyetje sigurinë e këtij komisariati. Pas arratisjes spektakolare të Arkimedit, u shoqëruan 6 policë.
Kujtojmë se në nëntor të 2012 Stresi u ndalua nga policia për arëmbajtje pa leje në mjetin e tij dhe më një sasi të mjaftueshme lëndësh narkotike.
-Arrestimi në 01 nëntor të 2012:
Stresi u arrestua nga Policia e Tiranës në orët e vona të mbrëmjes së Halloëeen-it. Këngëtari u kap me një pistoletë pa leje, teksa dilte nga një lokal në orët e para të mëngjesit. Stresi i cili shoqërohej edhe nga një mik i tij, u përplas fizikisht me dy punonjës të Komisariatit Nr.1, duke mos i lejuar që të ushtronin kontroll fizik ndaj tyre.
Kjo përplasje zgjati rreth 15 minuta, që nga ora 03:00 deri në 03:15 të mëngjesit të djeshëm, gjë e cila ka sjellë edhe plagosjen e njërit prej policëve. Plagosja ndodhi nga një shkrepje e pavullnetshme e armës së shërbimit.
Ngjarja ndodhi në rrugën “Murat Toptani”, saktësisht para bustit të Azem Hajdarit, gjatë kohës që në lokalet e natës në Tiranë zhvilloheshin festimet për natën e Halloëeen-it.
