Poezia e Rita Petros “Mallkimi i parë”, e cila në rreshta zbulon fraza erotike të fantazisë së një motre dedikuar vëllait të saj ka ndezur debat në rrjetet sociale. Nuk është hera e parë që Rita Petro vjen me vargje kontraverse që përcjellin mesazhe letrare deri ne kufijtë e provokimit. Pak vite më parë ka qenë “Vrima” ajo që i pataksi te gjithe por fitimi i nje çmimi prestigjoz që iu dorezua nga ministrja e Kultures Kumbaro dhe Kryeministri Rama, i dha më shume popullaritet. “Provokimi” i saj më i fundit i cili ka ndezur shkëndija edhe me te forta, pasi ajo e shton dozën, duke shkuar deri ne atë pikë sa tani të fton në mëkatin e inçestit. E debatueshme dhe e papranueshme botërisht si fenomen nga pikëpamja ligjore dhe e moralit publik. Por këtu jemi në art dhe fantazia e poetit, aq më tepër kur ajo ka emrin Rita Petro nuk ka limite e kufinj me sa duket.
Reagimet kanë qënë të shumta sic ishte ai i gazetarit Denis Dyrnjaja, i cili nëpërmjet një statusi në Facebook shprehu irritimin e tij përsa i përket poezisë dhe fenomenit në përgjithësi.
Statusi i plotë:
Neveris çdo predikim inçesti!
Në rrjetet sociale po bën xhiro një poezi e Rita Petros që predikon inçestin mes motrës dhe vëllait. Këtë deformime personale qofshin mendime reale apo stisje për vëmendje publike duhen refuzuar dhe duhen përbuzur. Askujt nuk i ndalohet liria për të menduar, shprehur e fantazuar, por duhet të funksionojë një kundravalvul etike dhe logjike që duhet të mos i lejojë këto sofizma të shërbejnë as si shembuj dhe as si referencë publike. Dezekujlibrimi i koncepteve familjare deri në pikët e vakumeve psikopatiko/seksuale nuk duhet të shërbejnë si servirje normaliteti.Kjo do të thotë t’i shndërrosh dhe konceptosh familjet si tribu me orgji inçestuale.
Është më shumë se e neveritshme! Ata që e mbështesin dhe e pëlqejnë këtë tezë janë njerëz me komplekse dhe boshllëqe të mëdha seksuale që mendojnë se plotësohen nga fantazia, deformacioni edhe kur ai është thjeshtë një mendim i shprehur në vargje dhe jo më një realitet.”
Nuk ka mjaftuar me kaq pasi edhe një tjetër personazh, këtë radhë Kreshnik Osmani, ka shpërthyer me tone akoma më të ashpra duke e ofenduar rëndë autoren në hapësirën e tij në Facebook e duke e akuzuar atë për “terrorizëm seksual”:
Statusi i plote:
Terrorizem seksual!
A ka shtet dhe a ka ligj ne kete vend?!
Ekspertja e vrimes Rita Petro, e dekoruar prej ministres Kumbaro per shije te larta seksuale, me rastin e vrimes, shkruan poezi dhe i fton njerezit per inçest mes vellait dhe motres dhe askush nuk reagon pervveç nje gazetari dhe ndonje ze tek tuk ne shkretetire. A ka njerez ne kete vend?! A ka burra?! A ka gra?! A kane femije keta?! A keni djem, vajza?! A ka mbetur ndonje pike nder ne kete vend?!
Nuk reagon askush, sepse kane frike se duken te dale mode dhe fanatike. U prishet puna sigurisht dhe u kercenohet karriera, ndaj bejne moral me fjale te pergjithshme.
Te dalte vrima ne balle, moj kokrra e bundrrës, ty dhe atyre qe te perkrahin!
Edhe këtu komentet e qytetarëve kanë qëne të shumta dhe të llojeve të ndryshme por sigurisht pikasin ato negativet.
“Ejvallah o zot qe me bere pa moter” apo Perverse femër, e semurë, doni të shkatërroni familjen shqiptare”, ishin disa nga më të spikaturat.
Sigurisht që çdokush ka të drejtën dhe lirinë e tij personale për te berë art edhe nëpërmjet provokimit seksuale dhe jo vetëm. Por kur bëhet fjalë që këto mendime qofte edhe nepermjet vargjeve ia përcjell publikut të gjërë ateherë duhet të marrësh parasysh mirë që do të kryqëzohesh edhe pse mund të mendosh që thjesht po bën art në origjinalitetin tënd. Rita Petros si artiste aq i bën, e me sa duket më shumë se efektin negativ, ajo mundet që të ndjehet se ia ka arritur qëllimit. Arti ekziston për të provokuar debat.
Mentaliteti shqiptar do ende kohë që t’i pranojë tema të tilla. Ndoshta do të na duhet kohë derisa të pranojmë tema të tilla deri dje tabu, të cilat në serialin më të ndjekur momentalisht në botë “Game of Thrones”, inçesti përshembull është një gjë fare e zakonshme. Jemi akoma në Shqipëri. Kemi ende shumë rrugë para se të mbërrijmë atje.
E ndoshta mund të mos mbërrijmë kurrë… Sepse pyetja që shtrohet është nëse duhet, në fakt!(?)
Më poshtë poezia e Ritës:
MALLKIMI I PARË
Zoti im, ATI im
Cili është ai mashkull
Aq i bukur
Që po vjen te unë
Sytë shigjeta-tinëzare
Drejt në zemër
M’i ka ngulur?
Kur më prek
Me duart aq të buta
Lëkurën ma puçrron…
Pse kur më puth në qafë
Drithëroj e tëra
Njomem atje poshtë?
Buzët më hapen
E kërkojnë buzët e tij
Gjuha e tij e lëngësht
Gjuhën time do?
E kur kaq butësisht
Më përqafon
Ndiej në bark
Të ngjeshur
Mikun e tij të fortë!
Qepe gojën, boll
Mjaft me këto dokrra
Ai është vëllai yt
E kjo që mendon
Është blasfemi!
Në ferr do të digjesh
Nëse shkon me të
Kurrë më për gratë
S’do kem mëshirë
E në jetë të jetëve
Do të vuajnë
Mallkimin tim!
Në djall vafsh ti, o Atë
Bashkë me vullnetin tënd!
Vëllai im
Unë dua të kryej incest me ty!
Përgatiti: AlpeNews.al
