Ka përfunduar numërimi i votave për zgjedhjen e anëtarëve të rinj për Këshillin Kombëtar në PD. Mësohet se, numërimi ka përfunduar rreth orës 03:00 të mëngjesit të sotëm, si dhe është bërë renditja nga 14 grupet e numërimit.
Pas numërimit, do të bëhet renditja bazuar detyrimet statutore per kuotat e rinise, grave, raporti ne qarqe prandaj shpallja e rezultatit përfundimtar kërkon kohë. Rezultati përfundimtar nuk është shpallur dhe duhet ende të presim.
Kryetari i Komisionit Zgjedhor në PD, Jemin Gjana, nëpërmjet një deklarate për mediat tha se numri i delegatëve të pranishëm në Kuvendin Kombëtar, nga 7.646 delegatë gjithsej, të pranishëm në Kuvend kanë qenë, 5.703. Kuvendi Kombëtar miratoi dhe propozimet e Bashës për ndryshimet ne statutin e partisë.