Vettingu në Policinë e Shtetit ka qenë njëri ndër projektligjt më të “pompuar” nga ana e qeverisë së të majtëve dhe këtë të hënë në orën 11:00 do të jetë përballja e parë që do të zhvillohet mes socialistëve dhe opozitës në lidhje me draftin.
Pritet që këtë të hënë në Komisionin Parlamentar të Sigurisë të ketë debate të forta mes palëve, pasi do të jetë Ministri i Brendshëm Fatmir Xhafaj, i cili do të prezantojë përpara deputetëve projektligjin e titulluar “ “Për vlerësimin kalimtar të punonjësve të Policisë së Shtetit, Gardës së Republikës dhe SHÇBA-së.”
Vlen të theksohet se Xhafaj i rikthehet komisioneve parlamentare tashmë si Ministër, fill pas një periudhe 4 vjeçare, ku ka qenë drejtuesi i njërit prej komisioneve më të rëndësishme të Kuvendit, atij të Ligjeve.
