47-vjecari Kastriot Reçi, pronar i një televizioni lokal, “Media Plus” në Lezhë u ekzekutua mesditën e sotme nga persona ende të paidentifikuar. Një ndër pistat ku po hetohet nga policia është ajo e prishjeve të pazareve të drogës e cila ka prishur dhe “qetësinë” e qytetit të Rrëshenit.
Një numër i madh vrasjesh kanë ndodhur brenda një harku të shkurtër vitesh ku bandat janë përplasur me njëra-tjetrën. Vitin e kaluar ndodhi edhe një vrasje tjetë e cila tronditi qytetin e Rrëshenit ku u vra Armando Gjini në mes të ditës. Të gjitha ngjarjet dhe vrasje të çojnë drejt pistës së prishjeve për pazare droge dhe më pas larje hesapesh.
Çfarë ndodhi sot:
47-vjecari Kastriot Reçi, pronar i një televizioni lokal, “Media Plus” në Lezhë u ekzekutua mesditën e sotme nga persona ende të paidentifikuar.
9 shtator 2016 është vrarë Saimir Jaku, ish-drejtor i linjës së Tensionit të Lartë për veriun në OSHEE. Ai u qëllua për vdekje me armë zjarri kallashnikov nga dy persona ende të paidentifikuar, teksa ishte duke pirë kafe në një nga lokalet më të frekuentuara të qytetit të Rrëshenit, ndërsa mbeti i plagosur edhe shoku i tij.
28 prill të 2017 u vra në Romë të Italisë, Gasper Reçi, 43 vjeç. Vëllai i Kastriot Reçit i cili u ekzekutua ditën e sotme. Vrasja e Gasper Reçit të vinte si hakmarrje për ekzekutimin e Saimir Jakut.
6 shtator 2017 Kreshnik Gjini, nipi i Saimir Jakut u vra në Belgjikë, nga dy persona të maskuar që dyshohet se ishin shqiptarë, i cili humbi jetën menjëherë. Cristina, e dashura e Kreshnik Gjinit, u tha hetuesve belgë se në 2016-ën është vrarë në Shqipëri daja i 31-vjeçarit, pikërisht Samir Jaku. “Për një vit, ai ndihej i kërcënuar”, deklaronte në atë kohë e dashura e Kreshnikut para hetuesve.
12 gusht 2019 Armando (Tonin) Gjini u ekzekutua pranë Katedrales në sheshin kryesor të Rrëshenit, mesditën e 12 gushtit. 48-vjeçari që njihej edhe si ushtari i bandës së Met Kananit u ekzekutua në sy të dy fëmijëve të mitur dhe gruas së tij. Gjini ndaloi makinën pranë Katedrales, pasi gruaja e tij kërkoi që të futej në një dyqan dhe pikërisht në këtë moment atentatorët e maskuar zbrazën kallshnikovën mbi xhamin e parmë të makinës, duke e lënë të vdekur në vëend 48-vjeçarin.
AlpeNews.al