Ndonëse e gjithë vëmendja është tek çifti i ri mbretëror, të gjithë janë kureshtarë të dijnë se ç’mendon princesha Kate për fejesën e Harry-it me Meghan.
Siç mund të merrej me mend, dukesha është shprehur shumë e lumtur për ta, duke e quajtur fejesën si lajm të mrekullueshëm për të dhe William-in.
“Unë dhe William jemi më shumë se të entuziazmuar. Kjo është një kohë shumë e lumtur për çiftin dhe i uroj më të mirat. Ta shijojnë sa më shumë këtë moment.”
Kate e cila është në pritje të bebushit të saj të 3-të duket se i ka lënë përshtypjet më të mira dukeshës së re. Meghan tregoi se ajo është sjellë mrekullisht mirë me të duke e bërë të ndihej shumë herë më komode.
