Ditën e sotme në praninë e kryeministrit Edi Rama është prezantuar plani i ri i rindërtimit në Kombinat, për zonat e prekura nga tërmeti i 26 nëntorit.
Në këtë zonë do të ketë apartamente të reja falas për gjithë familjet e prekura dhe një potencial zhvillimi për akomodimin e 20,500 banorëve, 4 institucione të reja arsimore dhe 9 pika sociale e kulturore.
Ndërkaq do të ketë edhe 5 sheshe publike me shërbime të reja: Sheshi i Teknologjisë (TECH Square), Sheshi i Muzeut (Museum Square), Sheshi Universitar (University Square), Sheshi Garibaldi (Garibaldi Square) dhe Sheshi i Gastronomisë (Gastronomy Square).
“Përreth kësaj lagjeje të ketë parqe dhe lagjja të ketë një lëvizshmëri kryesore.
Ju keni një shesh të madh shumë afër tregut se është pastaj sheshi Skënderbej.
Është një qytet për të gjithë që nga të moshiarit për të gjithë. Do të ketë dhe një seli universiteti. Do të ketë transporte publike ndërsa automjetet nuk do jenë të rëndësishme.
Atë që kemi bërë me sheshin Italia përpara arenës Kombëtare. Mund të bëjmë të njëjtin operacion edhe këtu. Që autobusët të kalojnë sipër dhe të ketë dalje. Në shëtitoren e Kombinatit nuk do të ketë automjete.
Do të ketë dhe shumë dyqane artizane. Përveçse në një lagje banimi do të jetë edhe një lagje artizanati. Aty mund të kemi edhe një treg dhe të gjithë ndërtesat publike do të kenë harqe dhe hapësira publike. Si është sot kombinatri dhe si do bëhet. Sheshi i kombinatit do të bëhet protagonist i dy akseve veri dhe jug”, tha drejtuesi i projektit mes të tjerash.