Presidenti Meta ka marrë sot një telefonatë nga yhomologu i tij në Kosovë , Hashim Thaçi i cili i ka ofruar Shqipërisë mbështetjen e Kosovës.
Thaçi, në njoftim në llogarinë e tij në Facebook ka njoftuar se i ka shprehur presidentit Meta gatishmërinë për ndihmë nga Forca e Sigurisë së Kosovës.
“Sapo bisedova me presidentin Ilir Meta për gjendjen e vështirësuar nga përmbytjet në Shqipëri.Në emër të institucioneve të Kosovës, shpreha gatishmërinë që ta dërgojmë Forcën e Sigurisë për t’i ndihmuar ekipet e tyre në menaxhimin e krizave dhe emergjencave civile”, shkruan Thaçi në postimine tij.
“Jemi të shqetësuar për vëllezërit e motrat tona atje dhe urojmë që situata të mos përkeqësohet më shumë”, shton më tej ai. /AlpeNews.al/