Presidenti Ilir Meta ka vizituar paraditen e sotme Shtëpinë e të Moshuarve në Kavajë me rastin e festave të fundvitit. Teksa kanë kaluar disa momente festive së bashku, Kreu i Shtetit nuk ka ngurruar t’ia marrë valles bashkë me ta.
Presidenti Meta i ka uruar të moshuarit për vitin e ri 2018, duke u shprehur se “duhet më shumë dashuri e solidaritet për moshën e tretë”.
“Duhet më shumë dashuri, solidaritet dhe përkujdesje për moshën e tretë. Një shoqëri është e shëndetshme kur asnjë nuk ndihet i vetmuar. Vëmendja ime ndaj moshës së tretë do jetë e përhershme. Përkujdesja ndaj moshës së tretë është detyrim i gjithë shoqërisë. Festat e fundvitit, ditë reflektimi dhe solidariteti për njerëzit në nevojë”, u shpreh Presidenti Meta.
