Presidenti i Këshillit Europian, Donald Tusk, i ka bërë thirrje presidentit Donald Trump që të kujtohet kush janë aleatët e tij derisa Trump po bëhet gati që të takohet me presidentin rus, Vladimir Putin
Duke folur derisa nënshkroi një deklaratë të përbashkët BE-NATO të martën me Sekretarin e Aleancës, Gjeneralin Jens Stoltenberg, Tusk në një mesazh për Trumpin tha se “gjithmonë është mirë të dish kush është miku yt strategjik dhe kush është problemi yt strategjik.”.
Me Trump’in vazhdimisht duke kritikuar aleatët e NATO’s që nuk po shpenzojnë mjaftueshëm në buxhetin e tyre të mbrojtjes, Tusk kujtoi se europianët janë duke shpenzuar më shumë se Rusia dhe po aq sa Kina.
Tusk u bëri thirrje europianëve që të rrisin shpenzimin ashtu siç kanë premtuar, por tha: “E dashur Amerikë, vlerësoj aleatët e tu, edhe ashtu nuk ke shumë aleatë.”, transmeton gazetametro.
Trump do të takohet me Putin’in më 16 korrik.
