Ka marrë një tjetër rrjedhë çështja Valon Berisha. Mesfushori që aktivizohet me përfaqësuesen e Kosovës, kishte ditë që përflitej se do të transferohej nga Salzburg te Sampdoria, por mesa duket ky transferim do të dështojë.
Konfirmimi ka ardhur nga vetë presidenti i ekipit Ferrero i cili ka folur për merkaton e Sampdorias, duke dhënë disa përgjigje përfundimtare. Majer dhe Berisha, objektivat kryesorët të ekipit dorian, me shumë mundësi nuk do të transferohen. Presidenti më energjik i Serie A Ferrero ka folur nga studiot e Sportitalia:
“Kam hequr dorë nga Majer, sepse kur përfshihen shumë agjentë, babai dhe nëna atëherë i them drejtuesëve të mi të heqin dorë. Ndër të tjera ai ka folur edhe për Berishën: “Unë kam qenë duke pritur një përgjigje nga Berisha, pasi arrita akordin me Salzburgun, por ende asgjë. Lojtarët duhet të jenë krenarë që veshin fanellën më të bukur në botë. Ka shumë lojtarë më të fortë se Berisha. Më mërziti, mirupafshim”
Në këtë mënyrë dështon edhe pista italiane për lojtarin e Kosovës dhe duhet të gjejë një alternativë tjetër për të ardhmen.