Një nga shumë “ushtarët” e kësaj lufte që po përjetojmë është edhe kryeinfermierja e Spitalit Infektiv, Ana Luca.
E rreshtuar në vijën e parë të frontit, kryeinfermierja Luca ka rreth një muaj që nuk shkon në shtëpi e nuk takon të afërmit e saj. Frika se mund të bëhet përcjellëse e virusit, e ka detyruar atë të qendrojë fizikisht larg familjes.
Së fundmi ajo ka publikuar në facebook një foto sa prekëse dhe emocionuese. Në pamundësi për ta përqafuar dhe puthur djalin, nga poshtë ballkonit ajo i shpreh dashurinë e madhe që çdo nënë ka për fëmijën e saj.
“Duro jeta ime, do fitojmë për ty e gjithë Shqipëtarët”, shkruan ajo krahas fotos.
