Jon Coelho, 32 vjeç pas 20 ditësh në ventilator, vdiq nga koronavirusi në spital në Danbury, Connecticut, më 22 prill.
Gruaja e tij Katie, 33 vjeç, nxitoi të ishte pranë tij në momentet e fundit, por ishte shumë vonë, ajo nuk mundi t’i thoshte dot lamtumirë. Duke mbledhur gjërat e tij në spital, Katie shikon në telefonin e tij një mesazh mjaft prekës për të dhe dy fëmijët.
“Ju dua me gjithë zemrën time dhe më keni dhënë jetën më të mirë që mund të kërkoja. Jam kaq me fat dhe shumë krenar që jam bashkëshorti yt dhe babai i Braedyn-it dhe Penny-it.
Katie ti je njeriu më i bukur dhe më i kujdesshëm që kam njohur ndonjëherë…je vërtetë e veçantë! Sigurohu ta jetosh jetën me të njëjtën lumturi dhe pasion që më bëri të bija në dashuri me ty.
Të të shoh ty si një nënë e shkëlqyer për fëmijët tanë është gjëja më e bukur që kam përjetuar. Dua që t’i tregosh Braedy-it se është shoku im më i mirë dhe jam krenar që jam babai i tij.
Po ashtu jam krenar për gjërat e mrekullueshme që ka bërë dhe do vazhdojë të bëjë. Dua t’i thuash Penelopes se ajo është një princeshë dhe mund të ketë gjithçka që dëshiron në jetë. Jam shumë me fat….”, shkruante ai.
