Prefekti i qarkut të Vlorës, Flamur Mamaj është shprehur se i gjithë qarku i Vlorës është në gjëndje emergjente, ndërkohë që Novosela sipas tij, është në kushtet e emergjencës totale.
“Novosela në kushtet e emergjencës totale. Në Brataj ka rrëshiqtje masive të dheut. Selencia është emergjente për shkak të prurjeve të furishme, problemet janë dhe tek ujësjellësi , tha ai në një prononcim për Ora News.
Në gjëndje emergjente është dhe Finiqi ku janë 400 ha të përmbytura. I gjithë qarku është në zonë emergjente.
“Ne po monitorojmë të gjithë segmentin trasesë së hekurudhës. Kemi ndërhyrë pë të shpëtuar lagjen që ndodhet poshtë trasesë. Shtëpitë e përmbytura janë ato që janë përdorur për stane”, u shpreh më tej zoti Mamaj.
