Rikthimi i Gianluigi Buffon te Juventusi ka gëzuar të gjithë juventinët, ndërsa sipas “Sky Sport”, Gigi kishte mundësi të qëndronte edhe 1 vit në Paris, por sidomos të shkonte në Portugali, ku Porto e priste, pa harruar ofertën nga Brazili dhe Fluminense, pasi presidenti i klubit ishte gati të zbriste në Itali për ta takuar personalisht.
Edhe Leed United në Angli bëri tenativë, edhe pse luan në kategorinë e dytë. Sondazh edhe nga Barcelona, në kërkim të një portieri të dytë. Por, më e rëndësishmja ekonomikisht erdhi nga një Princ i një ekipi arab që sipas “Sky” ishte gati të ndryshonte rregulloren e kampionatit dhe federatës vetëm që ta paguante shumë.
