Policia ka arrestuar një pedagog të Shkencave Sociale në Korçë, si dhe një sekser, pasi u merrnin para studentëve në këmbim të dhënies së provimit.
Të arrestuarit janë pedagogu Alket Dino dhe sekseri Xhevi Dervishi.
Mësohet se, Dino ka përfituar shuma monetare në këmbim të dhënies së provimeve për studentët. Sipas të dhënave Dervishi dyshohet se ka ndërmjetësuar duke ofruar një shumë ndaj pedagogut.
Ryshfeti në universitet është një fenomen shqetësues, pasi janë raportuar disa raste ku pedagogët u kërkojnë para dhe favore seksuale studentëve.
