Arthur Melo ka pozuar me fanellën e Barcelonës duke rritur edhe më shumë spekulimet për një transferim të mundshëm në “Camp Nou”.
Duket se i talentuari i Gremios, Arthur Melo, do të veshë fanellën e Barcelonës nga afati kalimtar i janarit, raporton Sport.
Mesfushori 21 vjeçar ka rritur edhe më shumë spekulimet për një transferim të mundshëm në “Camp Nou”, pasi ka pozuar me fanellën e Barcelonës.
Arthur është fotografuar përkrah Andre Cury (në të djathtë të Melos me duar mbi lojtarin), një anëtar i Barcelonës (skaut) që kërkon talente.
Cury raportohet se është njeriu që e bindi Neymarin vite më parë që t’i bashkohet Barcelonës dhe është rrugës për të dërguar në Evropë edhe Melon.
Gremio aktualisht raportohet se ka refuzuar një ofertë prej 35 milionë euro. 21 vjeçari ka kontratë me klubin brazilian deri në vitin 2021 me një klauzolë lirimi 50 milionë euro.
