Njerëzit që postojnë foto dhe video nga palestra kanë probleme psikologjike dhe vetëvlerësim shumë të ulët. Ky përfundim është nxjerrë nga studimi më i fundit i Universitetit të Brunel-it, në Londër.
Sipas studiuesve, njerëzit të cilët priren të postojnë foto dhe video të ushtrimeve në palestër, janë narcistë. Qëllimi i tyre kryesor është të mburren. Për të arritur në këto përfundime, u studiuan 555 përdorues të Facebook-ut.
Por, numri i madh i pëlqimeve, nuk do të thotë patjetër se çdo njeri i pëlqen këto ‘postime plot mburrje’.
Doktoresha Tara Marshal thotë: “Rezultatet tona tregojnë se këto postime marrin më shumë pëlqime, por kjo nuk ndodh sepse miqtë i pëlqejnë vërtet ato. Ata thjesht mundohen të tregohen të sjellshëm, por në fshehtësi i urrejnë ato.”
Prandaj mos postoni më foto nga palestra. Miqtë tuaj do t’ua dinë për nder!
Burimi: “The Independent”
