Djali i kryeministrit izraelit, Benjamin Netanyahu, Yair, bëri një postim të diskutueshëm Instagram, ku shkruante “F*ck Turqi”, mes acarimeve diplomatike midis dy vendeve lidhur me masakrën e së hënës në Gaza.
Yair Netanyahu postoi një imazh të tekstit që duket si flamuri turk, i cili është i kuq me një yll të bardhë dhe gjysmëhënë. Në imazhin e Yair, hëna zëvendësoi shkronjën ‘c’ në fjalën ‘f * ck’.
Postimi i diskutueshëm vjen pasi Turqia dëboi ambasadorin e Izraelit, Eitan Naeh, nga Ankaraja në përgjigje të vrasjes nga Izraelit të 60 palestinezëve gjatë protestave të hënën në kuadër të “Kthimit të Madhe në Gaza”.
Ankaraja gjithashtu tërhoqi ambasadorin e saj në Tel Aviv së bashku me ambasadorin e vet në SHBA. Izraeli u përgjigj me masa të fshehta.
Presidenti turk Rexhep Tajip Erdogan u përplas me Netanjahun, duke e quajtur atë “kryeministrin e një shteti të aparteidit” dhe duke pretenduar se ai kishte “gjakun e palestinezëve në duart e tij”. Netanjahu u përgjigj duke treguar për “gjakun e shumë qytetarëve kurdë në Turqi dhe Siri, “në duart e Erdoganit.
Yair duket se ka fshirë llogarinë e tij, por screenshotet janë duke u shpërndarë gjerësisht në mediat sociale. Një zëdhënës i Netanyahu tha për Haaretz, “Yair Netanjahu është një person privat, siç është edhe llogaria e Instagramit.
