Prokurori i Matit më datë 05.10.2016 ishte nisur i shoqëruar nga një hetues për në zonën e fshatit Myzë, njësia administrative Lis, në Bashkinë e Matit.
Gjatë rrugës për në vendin ku dyshohej se kultivohej drogë, në një zonë pranë fshatit, një automjet tip “Toyota”, fuoristradë, i ka prerë rrugën makinës ku ndodhej prokurori me gjithë hetuesin e çështjes. Prej saj ka dalë një person i armatosur me kallashnikov, i cili ka bllokuar rrugën. Pas një debati për rreth 15 minuta, personi me armë nuk jepte shpjegime se pse pengonte lëvizjen në rrugë..
Ky fakt raportohej edhe nga Prokuroria e Përgjithshme, por ndryshe nga ai, policia e Matit deklaronte se nuk është kërcënuar me armë gjatë aksionit të asgjësimit të kanabisit.
Në datën 19 korrik 2017, Llalla i ka komunikuar Prokurorit Muça shkarkimin e tij nga posti i kryeprokurorit të rrethit Mat dhe emërimin në vend të tij të Hysni Vata, i cili sapo ishte shkarkuar nga posti i kryeprokurorit të Kurbinit.
Referuar deklaratave të pasurisë, prokurori i Matit, Abaz Muça, deklaronte në shkurt të këtij viti se jeton në një apartament me qira, ndërsa thotë se ka kursye rreth 7 mijë USD para cash. Muça jeton me qera që nga viti 2003, pra prej 14 vitesh.
Përgatiti: AlpeNews.al
