Presidenti polak ka shtrirë dorën drejt Ukrainës në drejtim të rifillimit të bashkëpunimit mes vendeve pas disa javësh të tensionuara mes Varshavës dhe Kievit.
Tensionet mes aleatëve u ngrit pas mosmarrëveshjeve për drithërat, paketat e ndihmave dhe refugjatët, duke bërë që Polonia të lajmërojë se nuk do e furnizojë më me armë Ukrainën.
Megjithatë, Presidenti Andrzej Duda ka pranuar se komentet nxitëse të Presidentit Zelenskyy në Asamblenë e Përgjithshme të OKB-së diskutoi mundësinë e rifillimit të furnizimit me armë të Kievit.
“Të mos harrojmë se Zelenskyy është nën presion të madh,” i tha ai gazetës polake Super Express në një intervistë.
Duke diskutuar për shpenzimet e mbrojtjes, ai tha se pajisjet e reja “duhet të shërbejnë për të forcuar ushtrinë polake”, përpara se të dërgohen më shumë në Ukrainë.
“Kur pajisjet e vjetra zëvendësohen me pajisje moderne, unë nuk shoh problem me dërgimin pajisjeve të vjetra te ukrainasit,” tha ai, duke i hapur rrugën rikthimit në tryezë të palëve.
“Ne duhet të marrim nën kontroll emocionet tona, sepse le të kujtojmë se kush do të përfitojë më shumë nëse rrugët e Polonisë dhe Ukrainës ndryshojnë. Pasojat mund të jenë tragjike”, tha ai duke iu referuar mundësisë së përfitimit të Rusisë nga situata e tensionuar.
