Në Gjermani janë shtuar ndjeshëm populistët, të cilët emigrantët legalë dhe ilegalë i shohin si kërcënim për rendin dhe sigurinë në Gjermani.
Së fundmi, protagonist është bërë një politikan i partisë populiste gjermane AFD, Andreas Winhart, i cili ka folur me tone të ashpra dhe fjalë përçmuese për shqiptarët, kosovarët dhe afrikanët, të cilët jetojnë aktualisht në atë vend.
Mediat raportojnë se para fushatës së partisë së ekstremit të djathtë në Bad Aibling, ai i ka etiketuar shqiptarët si hajdutë , ndërsa për afrikanët lëshoi ofendime të tjera. Ai i quajti ata “negro”, të cilët sipas tij, janë mbartës të SIDA-s dhe të tuberkulozit, përcjell “merkur.de”.
“Kush nuk dëshiron që shqiptarët dhe kosovarët në të ardhmen të vijnë si ndihmës mjekë në “shtëpitë tuaja dhe të pastrojnë dhomat tuaja, duke nënkuptuar vjedhjen, atëherë ju bashkohuni me partinë AfD”, tha ai.
Për emigrantët nga Afrika, politikani populist në Gjermani deklaroi se sa herë që kollitet një person me ngjyrë, atij i vjen natyrshëm të pyes: A është vallë i sëmurë?.
“Unë duhet ta di, kur fqinji im niger puthet ose teshtin, a është i sëmurë ose jo”, shtoi ai. Ndërkohë autoritetet e kujdesit shëndetësor kanë pohuar se situata është tërësisht nën kontroll, duke hedhur poshtë çdo deklaratë, e cila mund të shkaktojë panik në popullatë.
Andreas Winhart, Landtagskandidat der #AfD zur #LTW18 in #Bayern, trifft in seiner Rede im Rahmen einer Wahlkampfveranstaltung des Rosenheimer-KV der AfD einige volksverhetzende Aussagen, laut ihm haben uns die sog. "Schwarzafrikaner" mit Krankheiten wie Tuberkulose, … 1/3 pic.twitter.com/WdfEUDRZrd
— Panda (@RedandBlckPanda) October 7, 2018
