Një oficere policie ka krijuar marrëdhënie me një të burgosur, të cilit i ka dhënë fshehurazi një celular në qelinë e burgut. Ngjarja ka ndodhur në Uells të Britanisë së Madhe.
Mediat shkruajnë se 25-vjeçarja Shauna Cleary krijoi raport intim me të burgosurin Kurt Jarman 22 vjeç, i cili është i dënuar me 10 vite pasi dhunoi një të moshuar gjatë grabitjes. Gjykata zbuloi se oficerja e policisë kishte krijuar marrëdhënie me të kur ajo punonte në burgun e burrave. Të dy flisnin me mesazhe me njëri-tjetrin përmes celularit që i kishte dhënë 25-vjeçarja.
Prokurorja e çështjes tha në Gjykatë se Gushtin e vitit të kaluar marrëdhënia e tyre arriti kulmin. Punonjësja e policisë u arrestua kurse telefoni dhe laptopi i saj u sekuestruan. Vet 25-vjeçarja pranoi fajësinë në Gjykatë. Ajo u dënua me 16 javë burgim dhe 15 ditë punë vullnetare. Edhe i burgosuri Kurt Jarman pranoi se kishte celular brenda qelisë së tij dhe u burgos edhe për 6 muaj të tjerë. /tvklan.al
