Forca të shumta policie në Sauk. Burime bëjnë me dije për gazetaren Klodiana Lala se është gjetur makina e Eljon Hatos. Policia është në ndjekje të tij. Ende nuk është arrestuar.
Mësohet se policia ka gjetur makinën e Eljon Hatos, ndërsa është vënë pas për ndjekjen dhe arrestimin e tij.
Eljon Hato është shpallur në kërkim si i dyshuar në dosjen ‘Metamorfoza’, ndërsa njihet edhe si ‘ushtar’ i Ervis Martinajt.
Hato ka qenë i përfshirë në vrasjen e bujshme në zonën e ish-bllokut në vitin 2018, ku mbeti i vrarë Fabiol Gaxha. Hato mbeti i plagosur në përplasjen me armë brenda lokal “Monopol”, u arrestua nga policia, por më pas disa kohësh u la i lirë. Më 12 maj të vitit 2014, Eljon Hato, asokohe 24 vjeç nën efektin e alkoolit ka vrarë një moshatarin e tij pas një sherri banal. Emri i Hatos doli dhe në përgjimet në kuadër të operacionit ‘Metamorfoza’.
