Një 32-vjeçar shqiptar është arrestuar nga policia italiane në Modica, pasi në banesë iu gjet një sasi droge.
Erald Sulçaj mbahej nën vëzhgim nga policia pasi dyshohej se ishte i përfshirë në shpërndarjen e lëndëve narkotike. Gjatë kontrollit në banesë, atij iu zbulua 5 kilogramë marijuanë. Droga ishte fshehur në papafingo, në një dhomë të fshehtë të krijuar enkas.
32-vjeçarit iu konfiskua gjithashtu edhe shuma e parave prej 1200 Euro, që dyshohet se buronin nga aktiviteti kriminal i shitjes së lëndëve narkotike. Sulçaj u arrestua në flagrancë dhe pritet të dalë para Gjykatës.
