Policia ka zhvilluar në operacion në orët e para të mëngjesit të sotëm në qytetin bregdetar të Vlorës për të arrestuar persona me precedent penal. Burime për Report Tv bëjnë me dije se blutë e qytetit kanë ndalur pesë persona.
Të njëjtat burime konfirmojnë se të ndaluarit akuzohen për grup të strukturuar kriminal dhe trafik klandestinësh. Sakaq, ky aksion i befasishëm i policisë në Vlorë është zhvilluar për llogari të Krimeve të Rënda.
Deri më tani nuk dihen emrat e të ndaluarve ndërsa detaje të reja priten në vijim. Qyteti i Vlorës është një ndër zonat e ‘nxehta’ sa i përket krimit. Të shumta janë atentatet mafioze që kanë ndodhur në këtë qytet, krime të cilat ende nuk kanë një autor.