Pas Korçës ceremonia e ujit të bekuar ka vijuar edhe në qytetin e Pogradecit ku më pas u mundësua edhe hedhja e kryqit në fshatin turistik të Tushemishtit.
Një grup të rinjsh po nga ky fshat kanë sfiduar temperaturat e ulëta për të kapur kryqin.
Ka qenë Andrea Taci ai që ka kapur kryqin mes të rinjve të tjerë që u futën në ujërat e ftohta të liqenit të Ohrit, ndërsa qytetarë të shumtë kanë marrë ujin e bekuar në vendin ku u hodh kryqi për ta shpënë në shtëpitë e tyre si shenjë mbarësie.