Veç një shtatoreje, Teto Ollga, personazhi ikonik në filmin “Zonja nga qyteti” do të ketë edhe një festë në fshatin Tushemisht të Pogradecit. Organizimi synon tërheqjen e vizitorëve në fshatin e njohur për potenciale në zhvillimin e turistëve.
Personazhi ikonik i Teto Ollgës, në filmin “Zonja nga qyteti”, të cilës i dha jetë aktorja Violeta Manushi veç një shtatoreje ka tashmë festën e saj në fshatin Tushemisht të Pogradecit.
Festa ishte e mbushur me aktivitete të larmishme, si panair punimesh artizanale, konkursë kulinarie, kinema verore etje, ndërsa të shumtë ishin ata që iu bashkuan që në edicionin e parë.
Zana Sina, nismëtare e këtij projekti thotë se qëllimi është promovimi i potencialeve turistike të Tushemishtit.
Kjo festë tashmë do të jetë e përvitshme dhe pritet që vizitorët të jenë çdo vit e më të shumtë.