Më shumë se 2,300 tigra, viktima të trafikimit ndërkombëtar, janë kapur nga autoritetet që nga viti 2000, me një mesatare dy tigra në javë.
Të dhënat u publikuan nga një OJQ që monitoronte tregtinë e kafshëve të egra, e cila bëri thirrje për mbrojtje më të madhe të grabitqarëve.
Në vitin 1900, planeti kishte më shumë se 100,000 tigra të egër, sipas vlerësimeve.
Por popullsia e tyre ka rënë në një minimum prej 3,200 félins (përfshin familjen e maceve të vogla, të mesme dhe të mëdha) në rang global në vitin 2010, tre subspecie janë zhdukur plotësisht.
Po atë vit, India dhe udhëheqësit e 12 vendeve të tjera të Tigrave u zotuan të dyfishojnë popullsinë e tyre deri në vitin 2022.
Por tigrat vazhdojnë të kapen nga trafikantët, pa marrë parasysh fare këtë fakt. Aktualisht janë rreth 3.900 tigra në natyrë.
Që nga viti 2000, 2,359 tigra të trafikuar janë kapur nga autoritetet në 32 vende dhe territore, një mesatare prej mbi 120 çdo vit gjatë 19 viteve të fundit, sipas OJQ-së.
Të kërkuar për lëkurat e tyre por edhe për pjesë të ndryshme të trupit, që supozohet se shërojnë sëmundje të ndryshme në mjekësinë tradicionale kineze, tigrat janë viktimë e trafikimit ndërkombëtar.
“Koha për diskutim ka mbaruar: fjalët duhet ti hapin rrugë veprimit për të parandaluar zhdukjet e reja të tigrave”, tha drejtori i TRAFFIC për Azinë Jug-Lindore dhe autori i raportit, Kanitha Krishnasamy, cituar në një raport.
