Një agjent FBI ka qëlluar aksidentalisht me armë një burrë ndërsa demostronte aftësitë e tij në kërcim.
Ngjarja ndodhi jashtë një bari në Kolorado të shtunën.
Klienti në bar u qëllua në këmbë nga agjenti i FBI.
Ky i fundit po i tregonte të pranishmëve aftësitë e tij në kërcim por nuk kishte hequr pistoletën nga brezi.
Ndërsa përpiqet që të bëjë një lëvizje backflip, arma i bie në tokë. Agjenti shkon për të marrë armën, por e shkrep aksidentalisht duke qëlluar burrin.
Agjenti u dërgua në Shtabin e Policisë Denver dhe u lirua nga paraburgimi duke u vendosur nën mbikqyrjen e FBI-së.
Zyra e Prokurorit të Rrethit Denver po shqyrton rastin dhe do të përcaktojë nëse do të ngrihen akuza kundër tij.
