Policia e Sarandës ka sekuestruar 22 kilogram lënë narkotike canabis sattiva, ndërkohë që ka vënë në pranga dy të rinj.
Nga operacioni “Likojani”, janë arrestuar dy transportuesit e lëndës narkotike, një 31 vjeccar nga Bërzhita e Tiranës dhe një 29 vjeccar, banues në Polis të Librazhdit.
Ndërkohë që dy shtetas të tjerë janë shpallur në kërkim nga forcat e rendit.
“Në vijim të punën për parandalimin dhe goditjen e trafikut të lëndëve narkotike dhe trafiqeve të paligjshme që mund të zhvillohen nëpërmjet kufirit jeshil, Shërbimet e Policisë Kufitare gjatë patrullimit në afërsi të Likojanit, kanë evidentuar dhe kapur dy shtetas që po transportonin dy çanta ku brenda tyre kishte 22 kilogramë lëndë narkotike.
Menjëherë është njoftuar grupi hetimor dhe specialistët për hetimin e narkotikëve në Komisariatin e Policisë Sarandë, ku në përfundim të veprimeve u bë arrestimi në flagrancë i shtetasve:
- H., 31 vjeç, lindur dhe banues në Berzhit,Tiranë.
- P., 29 vjeç, lindur dhe banues në Polis, Librazhd.
Po në vijim të veprimeve nga Specialistët për Hetimin e Narkotikëve në Komisariatin e Policisë Sarandë u bë shpallja në kërkim e dy shtetasve të tjerë A.XH dhe D.A, ku vijon puna për kapjen e tyre. Materialet i kaluan Prokurorisë së Rrethit Gjyqësor Sarandë për veprime të mëtejshme”, thekson Policia.
