Kam qenë njeri i thjeshtë. Doja një unazë të vockël, të hollë, me një gur minimalist, sa për të thënë që kam një unazë fejese në dorë. Pastaj pashë me ç’i propozoi Offset gruas së tij të ardhshme Cardi B;
Dhe gjithë jeta ime ndryshoi.
Përtej gjithë modestisë dhe thjeshtësisë, kush nuk do e donte këtë unazë si tumor në gisht. Që të ngatërrohet nëpër flokë kur i heq nga fytyra.
Është perfekte!
Po Cardi s’është e vetmja që i propozuan martesë me një unazë përrallore. Elizabeth Taylor për shembull, mori këtë unazë sa një tavolinë kafeje nga Richard Burton që vlen nja 7 milion paund, jo më shumë.
Kim Kardashian mbajti për ca kohë në duar ndoshta unazën më të famshme të dekadës. Diamant 20 karatësh nga Lorraine Schwartz në prerje emeraldi, “Adidas” gdhendur në brendësi. E sofistikuar dhe ekstravagante njëherazi. Po ç’e do që ia vodhën në Paris.
Si ish Zonjë e Parë e Sh.B.A.-ve dhe bashkëshortja e një prej manjatëve më të pasur në botë, Aristotle Onassis, Jacqueline Kennedy Onassis zotëronte një koleksion goxha të pasur me bizhuteri të vyera. Por ajo që më mori menjëherë vëmendjen ishte kjo unazë e quajtur Lesotho III me vlerë 2 milion paund. E mbajti dy herë dhe e futi në kasafortë.
Së fundi, (se s’dua të fiksohem me unaza tërë ditën) Beyonce, mbretëresha e “put a ring on it”, mori një unazë nga Lorraine Schwartz me diamant 18 karatësh që është perfekte nga të gjitha anët. S’mund të kishte unazë më të denjë për Beyonce-n.
Kot bëj si materialiste. Do thoja po edhe me një si kjo:
:
