Aplikimi i kurimit me plazmën e gjakut sipas kreut të Urgjencës Kombëtare, Skënder Brataj, do të jetë një mundësi më shumë në trajtimin e pacientëve.
Ai thotë se edhe pse ky kurim nuk është gjithmonë i mjaftueshëm, do të jetë një armë më shumë në luftën me virusin:
“Rezultatet nuk janë një numër i madh trajtimesh, pra ndihmon në trajtimin e kësaj sëmundje, por nuk është zgjidhja përfundimtare e saj”, tha Brataj.
Brataj sqaroi edhe punën që po bëhet për rritjen e kapaciteteve pasi gjatë vjeshtës përveç koronavirusit në popullatë do të rritë qarkullimin edhe gripi sezonal:
“Shtim të personelit, trajnim të personelit, shtim të shtretërve.
Të gjitha këto burime vihen në dispozicion të njerëzve. Çfarë kërkohet: që mos të ezaurohen këto burime”, tha ai.
Kreu i Urgjencës apelon që të shmangen sa më shumë grumbullimet në mënyrë që të ulet transmetimi i virusit në vend.