Fatbardh Lici nga qyteti i Shkodrës është viktima e vrarë mëngjesin e sotëm në qytetin verior, ndërsa bëhet me dije se Lici ka qenë bashkëpunëtor për vrasjen e viti 2011, të ish të dënuarit për ekzekutimin e tre shtetasve, Astrit Kurmemaj.
Lici dyshohet se ka qenë bashkëpunëtor i asaj vrasjeje, kështu mësohet të ketë raportuar Policia nga vendngjarja.
Bëhet me dije se pista kryesore dhe e vetme e vrasjes të mbetet gjakmarrja mes dy familjeve Kurmemaj, dhe Lici.
Në Dobraç është gjetur duke u djegur një mjet i tipuit Benz, ku dyshihet se ky mjet është përdorur nga autorët.
Informacion Paraprak
Me 10.08.2018 rreth orës 07:15 jemi njoftuar se në lagjen Guerile, Shkodër, është vrarë me armë zjarri shtetasi F. L. 53 vjeç, banues në lagjen Guerile Shkodër.
Menjëhere kanë shkuar forca të shumta të policisë dhe janë ngritur pika kontrolli ku po behet dhe krehja e zones për identifikimin dhe kapjen e autorit/ëve
Gjithashtu në fshatin Dobraç është gjetur duke u djegur një mjet tip Benz i cili dyshohet se ka lidhje me ngjarjen.
Në vendngjarje ndodhet grupi hetimor nën drejtimin e Prokurorisë se Rrethit Shkodër për sqarimin e rrethanave të kësaj ngjarje dhe zbardhjen e plotë të kësaj ngjarje.
/AlpeNews.al