Këshilli i Emërimeve në Drejtësi do të mblidhet të premten për të zhvilluar intervistat me kandidatët për plotësimin e vendeve vakante në Gjykatën Kushtetuese dhe Inspektoratin e Lartë të Drejtësisë.
Sipas vendimit të marrë nga KED, gjatë ditës së nesërme priten intervista me 5 kandidatë, teksa një ditë më parë u realizuar intervista me kandidatin Besnik Muçi.
Fillimisht para KED do të dal kandidatja Arta Vorpsi, e cila pritet të paraqitet në orën 10:30 minuta. Më tej me radhë do të jenë kandidatët, Elsa Toska, Fiona Papajorgji, Releta Panajoti, Marsida Xhaferllari.
Në fund të këtyre intervista, KED pritet të ketë një vendimmarrje tjetër, për fillimin e procedurave të vlerësimit të pikëzimit dhe renditjes së kandidatëve edhe për vendet e tjera vakante. Në këtë rast kalendarit do ti shtohen dhe tre intervistime të tjera, Artur Malaj, Artur Metani dhe Eris Hysi. Këto intervista do të nisin nga ora 15:30 minuta deri në orën 17:00 kur është lajmëruar për tu paraqitur kandidati Hysi
KED ka miratuar edhe ekspertët për vlerësimin e nivelit të zotërimit të gjuhëve të huaja, të deklaruara nga kandidatët për vendet vakante në Kushtetuese dhe ILD. Dr. Adelina Albrahimi, Pedagoge e Gjuhës Angleze, Universitet i Tiranës. Po ashtu edhe Aida Gjinali, pedagoge e brendshme e gjuhës italiane, Universiteti Tiranës.
