Në rubrikën tonë të përditshme “Spring në Alpe” ju sjellim pamje të Zvërnecit në paraditen e sotme.
Zvërneci gjithnjë e më shumë po tërheq turistët, madje të huajt janë të “fiksuar” pas tij, pasi ai ofron edhe detin edhe pyllin, që miksohen harmonikisht me kulturën që mbart ai ndër vite.
AlpeNews.al ju sjell pamje të Zvërnecit në ditën e sotme.
Vetëm 10 minuta larg qytetit të Vlorës, Zvërneci së fundmi mund të konsiderohet më tepër se një fshat. Ajo që e karakterizon këtë vend është ndërthurja e shumë elementeve me vlera të mëdha në një perimetër kaq të vogël
Zverneci ka lagunë, ka 12 kilometra vijë bregdetare, 4 kisha Ortodokse, dy ishuj, ka zona pyjore të mbrojtura, trashëgimi të pasur historike e kulturore dhe një natyrë të virgjër me peisazhe mbresëlënëse.
Vitet e fundit, turizmi ka njohur një zhvillim të konsiderueshëm, ku Zverneci po preferohet gjithnjë e më shumë nga vizitorët shqiptar e të huaj. Projekti i ri për kthimin e zonës në “fshat turistik”, në kuadër të projektit të qeverisë “100 fshatrat”, pritet ta kthejë Zvernecin, në një nga destinacionet turistike më të preferuara të rajonit.
Përgatiti: AlpeNews.al