Policia e Pogradecit ka arrestuar 6 persona dhe ka shpallur një tjetër në kërkim, pas një konflikti të dhunshëm të ndodhur në një lokal në lagjen nr. 1 të qytetit, ku dy shtetas mbetën të plagosur si pasojë e goditjeve me sende të forta.
Sipas njoftimit zyrtar të Policisë, të plagosurit M. Xh. dhe K. N. ndodhen jashtë rrezikut për jetën, ndërsa pas hetimeve të kryera, janë arrestuar në flagrancë shtetasit:
M. Xh., 32 vjeç
A. K., 38 vjeç
D. Xh., 33 vjeç
E. Ç., 41 vjeç
N. Ç., 42 vjeç
K. N., 37 vjeç
Gjithashtu, është shpallur në kërkim edhe shtetasi E. A., 21 vjeç.
Të gjithë personat e përfshirë akuzohen për veprat penale:
“Plagosje e rëndë me dashje”
“Shkatërrimi i pronës”
“Prishja e qetësisë publike”
Policia ka sekuestruar pamjet filmike nga kamerat e sigurisë në lokal dhe po vijon hetimet për dokumentimin e plotë të ngjarjes, si dhe për kapjen e shtetasit ende në kërkim.
