Debat i ashpër në mbledhjen e sotme të Komisionit Parlamentar të Sigurisë. Kryetarja e komisionit, Ermonela Felaj nuk i ka dhënë fjalën deputetit demokrat Flamur Noka dhe ky është bëtë shkak për plasjen e sherrit të radhë.
Noka, në nervozizëm e sipër i merr mikrofonin Felajt dhe ia hedh tutje, raporton gazetari i “Panorama”, Fation Binjaku.
Efektivi i Gardës është vënë shpejt në lëvizje dhe duket në video teksa qëndron afër Nokës.
DEBATI
Felaj: Nuk ke të drejtë të fyesh asnjë anëtarë të komisionit, përfshirë edhe mua
Noka: Në rast se s’kupton dil e mëso
Felaj: Do t’i drejtohem kryetarit të kuvendit të të përjashtojë
Noka: Drejtohu kujt të duash, edhe kryeministrit po deshe, ose mëso si drejtohet ose dil përjashta
Felaj: Dakord? Me fyerjet po fyen inteligjencën e të gjithëve, mediat edhe publikun,
Noka: Deputetet po trajtohen si nxënës të klases së 5. Merren dhe çohen nëpër institucione. Mos u poshtëroni në këtë mënyre. Është e turpshme ti trajtosh deputetet si nxënës. Mëso të drejtosh ose ik fare.
Felaj: Shumë mirë që ike, dhe kur iken e do mikrofonin ndezur.
Deputetet e opozitës largohen nga mbledhja.
