Ndërsa nga java tjetër pritet të ketë rrebeshe shiu, gjatë ditës së dielë pritet që këto reshje të jenë lokale në disa zona.
Gjatë ditës së diel, pritet që të ketë edhe rënie temperaturat të bien.
Instituti i Gjeoshkencave, Energjisë, Ujit dhe Mjedisit ka bërë parashikimin e motit për 24 orët e ardhshme.
Reshjet
Sot pasdite dhe nesër priten reshje të dobëta në qarqet Shkodër, Kukës, Dibër dhe Lezhë. Ndërsa në qarqet Durrës dhe Tiranë priten reshje lokalisht të dobëta, siç tregohet në tabelë, respektivisht për secilin qark. Reshjet do të prekin kryesisht terrenet kodrinore-malore.
Temperaturat
Nesër temperaturat minimale dhe maksimale të ajrit pritet të arrijnë:
në bregdet: 10 / 18 °C
në vendet e ulëta: 9 / 20 °C
në vendet malore: 4 / 15 °C
Era
Sot pasdite era pritet te fryjë e lehtë deri mesatare dhe nesër era pritet të jetë mesatare deri e fortë, kryesisht në bregdet dhe në zonat malore.
Zjarret në pyje
Sot pasdite dhe nesër qarqet Tiranë dhe Fier pritet të jenë në nivelin ‘i moderuar’ të rrezikut. Qarqet Elbasan, Berat, Korçë, Vlorë dhe Gjirokastër pritet të jenë në nivelin ‘i ulët’, por në sipërfaqe të lokalizuara pritet të arrijnë në nivelin ‘i moderuar’, siç tregohet në tabelë, respektivisht për secilin qark.
