Policia njoftoi sot se ka arrestuar Anxhelino Çervanakun , i cili ishte shpallur në kërkim që në korrik të vitit 2014 pasi tentoi të vriste një person gjatë një sherri mes tyre në fshatin Frakull . Por , krahas tentativës për vrasjen e një personi në vitin 2014 në Fier , Çervanaku është një emër i njohur për policinë duke dalë sërish në pah një vit më vonë .
Plagosja
Pas një sherri , Anxhelino Çervanaku ka qëlluar disa herë me armë në drejtim të B.M në fshatin Frakull të Fierit , por fatmirësisht objektivi shpëtoi . “ Nga Specialistët për Krimet e Rënda në Drejtorinë e Policisë së Qarkut Fier në bashkëpunim me shërbimet e Drejtorisë Policisë së Qarkut Tiranë , u bë ndalimi i shtetasit të shpallur në kërkim , Anxhelino Cervanaku , 22 vjeç banues në fshatin Frakulle Madhe , Fier . Ndalimi i tij u bë pasi Gjykata e Shkallës Parë Fier ka caktuar masën e sigurisë ‘ Arrest me burg ‘ ndaj këtij shtetasi për veprat penale “ Vrasje me dashje ‘ e mbetur në tentativë ” , thuhej në njoftimin e policisë .
Kërcënimi
Asokohe , policia raportoi se Anxhelino Çervanaku bashkë me shokun e tij Devis Rustemaj kërcënuan me armë zjarri djalin e një biznesmeni të njohur karburantesh në Tiranë për shkak të një borxhi , raporton ABC News . Djali i biznesmenit deklaroi në atë kohë në polici , se ai ndodhej i vetëm në momentin që dy personat e lartpërmendur i kanë prerë rrugën , dhe duke i vënë pistoletën në kokë i kanë kërkuar atij shumën prej 1 mijë eurosh që ai u kishte marrë borxh pak kohë më parë
Atentati
Disa kohë pasi kërcënuan djalin e biznesmenit , shokut të Ccervanakut , Devis Rustemajt i bënë një atentat në rrugën “ Xhanfize Keko ” , por policia nuk bëri dot një lidhje mes dy ngjarjeve duke hetuar edhe për një pistë tjetër , atë të konflikteve të çastit mes palëve . Ccervanaku ka qenë mjaft aktiv në rrjetin social Facebook edhe pse ishte shpallur në kërkim prej gjashtë vitesh në 2014 .