Të shtëna me armë zjarri janë raportuar ditën e sotme në rrugën “Liman Kaba” pranë kompleksit Dinamo.
19-vjeçari Reginaldo Kaçorri është qëlluar me armë nga dy persona duke mbetur i plagosur. I riu ndodhet në spital jashtë rrezikut për jetën ndërsa policia është vënë në kërkim të të dyshuarve.
Autoritetet thonë se e gjithë ngjarja ka ndodhur pas një konflikti të çastit mes të rinjve në një lokal.
Tiranë/Informacion paraprak
Rreth orës 15:45, në rrugën “Liman Kaba”, në afërsi të një lokali, në rrethana ende të paqarta është plagosur dyshohet me armë zjarri shtetasi R. K., 19 vjeç, i cili ndodhet në spital, nën kujdesin e mjekëve.
Paraprakisht dyshohet se ngjarja ka ndodhur pas një konflikti të çastit me dy shtetas ende të paidentifikuar nga ana e Policisë.
Grupi hetimor ndodhet në vendngjarje dhe po punon për sqarimin e rrethanave të ngjarjes dhe mbledhjen e çdo prove të mundshme që do çojë në identifikimin dhe kapjen e autorëve.
