Një plagosje ka ndodhur sot në qytetin e Burrelit. Në vendin e quajtur kryqëzimi i Koliqit, 2 të rinj janë konfliktuar me njëri-tjetrin duke nxjerrë më pas armët. Nga ky konflikt është plagosur një 20 vjeçar që mendohet se ishte thjesht kalimtar dhe nuk kishte lidhje me konfliktin.
“Gjatë një konflikti të çastit mes shtetasëve O.D dhe E.C, në konflikt e sipër dyshohet se shtetasi O.D, ka qëlluar me armë ku për pasojë është plagosur aksidentalisht dhe ndodhet jashtë rrezikut për jetën shtetasi M.M, 20 vjeç, i cili nuk kishte lidhje me konfliktin,” shkruan policia.
Policia ka shpallur në kërkim të dy shtetasit O.D dhe E.C, ku forcat e Policisë po krehin zonën, po ushtrojnë kontrolle në ambjente e në aksin rrugor me qëllim gjetjen dhe arrestimin e tyre.
Në vendngjarje ndodhet grupi hetimor dhe po punohet intensivisht për zbardhjen e rrethanave të ngjarjes .
