Të tjera detaje dalin në dritë në lidhje me plagosjen e kryebashkiakut të Divjakës dhe shoferit të tij pas një sherri për motive të dobëta.
Konfliktet mes Kokoneshit dhe autorit të plagosjes, Orgest Xhelili kishin nisur kur ky i fundit ishte shkarkuar nga puna si punonjës IT-je në bashkinë e Divjakës. Ndërkohë që sërish pas këtyre debateve mes tyre ‘mollë sherri’ për një rindezje të konflikteve ishte bërë transferimi i bashkëshortes së autorit, nga shefe e mjekëve në poliklinikën e Divjakës drejt një pozicioni tjetër, duke e ulur në detyrë.
Si fillim mësohet se mes autorit dhe Kokoneshit ka pasur një debat verbal që ka degjeneruar deri në përdorimin e thikës. Ndërsa të tjera të dhëna bëjnë me dije se mes Kokoneshit dhe autorit ka edhe një konflikt pronësie, pasi bashkia për interesa publik kërkon të shpronësojë vjehrrin e autorit, duke mos gjetur dakordësinë.
