Detaje të reja kanë dalë nga plagosja e çiftit të bashkëshortëve Petrit dhe Afërdita Laze para tre ditësh në Allias të Tiranës.
Mësohet se Policia ka shpallur në kërkim 2 persona, të dyshuar si autorë.
Bëhet me dije se një nga të dyshuarit është banor i Alliasit, i dënuar më parë për grabitje. Policia ka shkuar për kontroll, por nuk e ka gjetur në banesën e tij të dyshuarin.
Sakaq, i dyshuari i dytë njihet si një nga punëtorët, që punonin në fabrikën e prodhimit të brumit, që çifti Laze drejton.
Ndërkohë më herët vajza e çiftit, Dejzi Laze, 17- vjeçe ka treguar se ndodhej në shtëpi në momentin kur ka ndodhur ngjarja.
Ajo i ka thënë policisë se personat ishin dy persona të maskuar dhe njëri prej tyre mbante dhe armë.
