Një 23-vjecar i identifikuar si Kei Piu ka mbetur i plagosur me armë zjarri mbrëmjen e kaluar në qytetin e Elbasanit. Mësohet se ngjarja ka ndodhur në bulevardin kryesor të qytetit rreth orës 01:15,ne lagjen ‘Kongresi i Elbasanit’.
Teksa është ndalur në afërsi të një lokali, 23-vjecari ndodhej në makinën e tij “Fuoristradë” me targa ‘AA 767 Xo’ kur ka nisur të konfliktohej me një person tjetër.
Ky i fundit vetëm pak minuta më pas thonë burimet ka ardhur i shoqëruar me disa persona të tjerë, të cilët kanë qëlluar mbi të duke e lënë të shtrirë në tokë. Ai është gjetur i plagosur nga policia e Elbasanit.
Si pasojë e të shtënave ai ka marrë tre plumba në bark. 23-vjeçari Kei Piu u dërgua në Spitalin e Elbasanit, ku i është nënshtruar një ndërhyrjeje kirurgjikale. Ai iu nënshtrua një operacioni dhe burimet bëjnë me dije se është jashtë rrezikut për jetën.
Ndërkohë policia ka sekuestruar kamerat e sigurisë përreth për të bërë të mundur identikimin dhe kapjen e autorëve.
Deri më tani uniformat blu kanë shoqëruar në komisariat disa persona të cilët mund të kenë dijeni për ngjarjen.
23 vjeçari nuk është një emër i panjohur për policinë. I riu ka qenë i shoqëruar disa herë për lëndë narkotike.
